1. Tolong kase maso akang di secretariat itu data-data keluarga, supaya torang boleh baku tau deng kalo ada yang har jadi bole torang muat disini.
2. Pada perayaan Paskah 2005, di Puncak, pengurus so ambe sikap mensahkan itu torang pe anggaran dasar deng anggaran rumah tangga Perkumpulan. Ini dia pemaksud biar so diatur itu ketentuan jadi nda tabrak sana sini deng lebe gampang kalu torang nanti mo berusaha. Kong bagimana kapan mo beking pa notaris dang?
3. Pengurus mo ba tanya kiapa torang pe tante Noni (Cilandak), Broer Hengki (Ciputat) so sadiki jarang dapa lia? So brapa kali pertemuan nyanda muncul. Rameji akang dang voor torang pe pertemuan do kang?
4. Apa kabar Tante Nel Worotikan, so bale dari Amrik? Banya orang da tunggu mo minta biratu.
5. List iuran so se bajalang tiap pertemuan, tolong bawa doi lebe supaya bole mo bayar biar baru sadiki. Hubungi tante Els Worotikan.
6. Ada kabar om Orry deng tante Lientje mo beking perayaan 40 tahun pernikahan, kapan do kang. Torang Bantu doa supaya diberkati selalu oleh Opo Empung.
7. Tolong itu keluarga yang punya anak muda (nyong deng nona) supaya jaga ajak iko ba kumpul, sebab kalo nda pernah baku dapa nanti so baku sontong di jalan so nda bakutau.
8. Berita Duka dari Kampung, Bpk. Otje Wollah so meninggal dunia. Kiranya Tuhan memberkati keluarga yang ditinggalkan.
9. Tiap pertemuan mo lelang kukis atau barang-barang laeng, harap tiap keluarga bole iko ambe bagian di acara lelang, dia pe doi mo pake dukung torang pe kegiatan pelayanan.
10. Bagimana torang pe coordinator wilayah? So bajalang blum ? Dia pe tugas kase tau itu keluarga-keluarga yang ada di wilayah dia. Pokoknya da berita bae denga berita nda bae nanti baku setau.
11. Ada kabar itu Pendeta Uris Rumondor sekarang sedang sakit di Sawangan, torang Bantu dalam doa supaya kesehatannya boleh Tuhan pulihkan deng for dia pe keluarga laeng bole dapa berkat supaya dorang setia menrawat dia.
